Woh Aa Raha Hai Mir Hasan Mir New Manqabat 2020 with lyrics
Woh Aa Raha Hai | Mir Hasan Mir New Manqabat 2020 | Arrival of Imam Mahdi | Imam e Zamana with lyrics
Woh Aa Raha Hai | Mir Hasan Mir New Manqabat 2020 | Arrival of Imam Mahdi Manqabat | Imam e Zamana
Manqabat 2020 | ☆ Nahe Chalega ☆
Recited By | Mir Hasan Mir
Poetry By | Hasnain Akbar
Composition: Raza Shah
Video By | VOS- Mohammad Ali (+923452989568)
Audio Recorded By | ODS
Translation: Ahmed Verani
Creatives | Alamdar Raza (SAR Creative)
☆ On the Auspicious Occasion of 15 Shaban Amad e Hadi e Barhaq Imam Zamana Al Mehdi Sahib e Asro wa Zaman (atfj) ☆ Gift for All Momineen ☆
Woh Aa Raha Hai Mir Hasan Mir New Manqabat 2020 with lyrics
●● MANQABAT LYRICS ● ●
●Sab thaat para reh jaye ga jab aane wala ayega
Ye dharti sona ugle gi, ye charkh gohar barsayega
Kaabe ki chat par Ghazi ka, ek roz alam lehrayega
●Woh aa raha he ke jis ke aage kisi ka kehna nahi chalega
Baghayr farman e Ibn e Zahra, nizaam e dunya nahi chalega
- Woh aa raha he ke jis ke aage kisi ka kehna nahi chalega
●Kahin guzarish nahi chale gi, kisi ki saazish nahi chalegi
Kare ga aa kar woh adl qayem, koi sifarish nahi chalegi
Chalayega woh Ali ka sikka, kisi ka sikka nahi chalega
- Woh aa raha he ke jis ke aage kisi ka kehna nahi chalega
●Alag na hoga koi kisi se, Namaz rozay bhi ek honge
Imam aayenge laut kar jab, har ek mu'azzin ba-ghaur sunle
Azaan ho gi Ghadeer waali, ye kam-ziyaada nahi chalega
- Woh aa raha he ke jis ke aage kisi ka kehna nahi chalega
●Anaa ke jazbon me behne waalon, hawa e mazhab me rehne waalo
Koi karega halaal tum ko, haraam maatam ko kehne waalo
Dunkaan fatwon ki band hongi, kisi ka fatwa nahi chalega
- Woh aa raha he ke jis ke aage kisi ka kehna nahi chalega
●Likha huwa he hadith me bhi, zameen nijasat se dur ho gi
Chalegi shamsheer Murtaza ki, zabaan o millat ki qayd kaysi
Ali ka munkir ho chaahe jo bhi, zameen pe zinda nahi chale ga
- Woh aa raha he ke jis ke aage kisi ka kehna nahi chalega
●Marenge sab maslehat ke aadi, kahaan pe jayenge ye fasaadi
Chhupayenge kis tarha se chehray, haram se hogi ye jab manadi
Meri hukumat me is zameen par, udu e Zahra nahi chalega
- Woh aa raha he ke jis ke aage kisi ka kehna nahi chalega
●Fasaad saarey bharenge aahein, samaan ye dekhengi sab nigahein
Nizam tabdeel hoga sara, ye masjideiN ho ya bargahein
Woh khud chalayenge har idara, ye tera-mera nahi chalega
- Woh aa raha he ke jis ke aage kisi ka kehna nahi chalega
●Ye farsh e matam he yaad rakhna, kabhi siyaasat yaha na karna
Amanat e Sayyada hein aansu, yahan khayanat se khud hi bachna
Kahen na mahshar ke roz Zahra, tumhara pursa nahi chalega
- Woh aa raha he ke jis ke aage kisi ka kehna nahi chalega
●Khuda e Wahid ka faysala he, ke noor kaamil zaroor hoga
Hazaar fitne uthaye dunya, Wali ka lazim zahoor hoga
Baghayr Imam e zamana Akbar, kabhi zamana nahi chalega
- Woh aa raha he ke jis ke aage kisi ka kehna nahi chalega
************************
☆ ● Related Searches ● ☆
imam mahdi born
imam mahdi story
imam mahdi in quran
arrival of imam mahdi
imam mahdi in urdu
Intezar - AAJ KA DIN BHI MOLA BEET GAYA
Suno Baad e Zahoor Kiya Hoga
************************
Comments
Post a Comment